സാങ്കേതിക വിദ്യകള് അനുദിനം വളര്ന്നുകൊണ്ടിരിക്കുന്ന ഒരു കാലഘട്ടത്തിലൂടെയാണ് നാം ഇപ്പോള് സഞ്ചരിച്ചുകൊണ്ടിരിക്കുന്നത്. ഡി.എസ്.എല്.ആര്, എസ്.എല്.ആര്, ഡിജിറ്റല് ക്യാമറകളുടെ ഇടയിലേക്ക് സ്മാര്ട്ട് ഫോണിന്റെ കടന്നു വരവ് ക്യാമറ സങ്കല്പ്പത്തെ തിരുത്തിയെഴുതി. ആര്ക്കും എപ്പോഴും എവിടെ നിന്നും ഫോട്ടോകള് എടുക്കാന് സൗകര്യം ഒരുങ്ങി. ഫോട്ടോഗ്രഫി എന്ന സങ്കല്പ്പം ജനകീയമായത് മൊബൈല്ഫോട്ടോഗ്രഫി വന്നതോടെയാണ്, എല്ലാവരുടേയും കൈകളില് മൊബൈല് ക്യാമറ സജീവമായി. സിംബിളായി ഫോട്ടോഗ്രഫി മേഖല മാറിയത് മൊബൈല് ഫോട്ടോഗ്രഫി വന്നതോടെയാണ്. എന്നാല് മൊബൈല് ഫോട്ടോഗ്രഫി പഴയകാല ഫോട്ടോഗ്രഫിയെ മാറ്റിമറിച്ചു.
ആദ്യകാലങ്ങളില് ക്യാമറയുടെ ഉപയോഗത്തില് പ്രൊഫഷണല് രീതി ഉണ്ടായിരുന്നു. ഫോട്ടോ എടുക്കുന്നതിനായി ക്യാമറയുടെ ഫങ്ഷന്സ് ശ്രദ്ധിച്ച് സെറ്റ് ചെയ്ത് എടുക്കണമായിരുന്നു. എന്നാല് ഇന്ന് മൊബൈല് ക്യാമറ ലോകത്ത് ആര്ക്കും അനായാസം ഫോട്ടോകള് ഏത് ആംഗിളിലും എടുക്കാന് സാധിക്കുന്നതരത്തിലേക്ക് എത്തിച്ചേര്ന്നു. മൊബൈല് ക്യാമറകളുടെ വരവോടെ എസ്.എല്.ആര്നും ഡി.എസ്.എല്.ആര്നും മാത്രമുണ്ടായിരുന്ന ബ്ലൂര് ഫങ്ഷന് എല്ലാം ഇന്ന് സ്മാര്ട്ട് ഫോണുകളുടെ ഇടയിലേക്ക് എത്തി.
ഒരു ക്യാമറയുള്ള ഫോണില് നിന്നും മൂന്ന് ക്യാമറ വരെയുള്ള ഫോണുകളിലേക്ക് എത്തി. സാങ്കേതികമായ ഓപ്ഷനുകള് ഘടിപ്പിച്ചാണ് മൊബൈല്ക്യാമറകള് വിപണിയില് എത്തുന്നത്. എസ്.എല്.ആര് ക്യാമറയില് എടുക്കുന്ന ചിത്രങ്ങള്ക്ക് വളരെ അധികം ക്വാളിറ്റി ഉണ്ടായിരിക്കും. നിരത്തിലിറങ്ങുന്ന മൊബൈല്ക്യാമറകള് വളരെ അധികം മെഗാപിക്സലുകള് ഉള്പ്പെടുത്തിയാണ് വിപണിയിലേക്ക് എത്തുന്നത് അതിനാല് തന്നെ ഫോട്ടോകള് എടുക്കുന്നതിന് ആളുകള് ഇപ്പോള് ക്വാളിറ്റി ഉള്ള മൊബൈല്ഫോണുകള് ഉപയോഗിക്കുന്നു. ഡി.എസ്.എല്.ആര്, എസ്.എല്.ആര്, ഡിജിറ്റല് ക്യാമറകളും മൊബൈല് ക്യാമറകളുടെയും സെന്സര്സൈസ് വ്യത്യാസമാണ് ഫോട്ടോയുടെ ക്വാളിറ്റി നിര്ണ്ണയിക്കുന്നത്.
സ്മാര്ട്ട് ഫോണുകള് ദിനംപ്രതി അപ്ഡേഷനുകള് വരുന്നതിനാല് തന്നെ ഇന്ന് 48 മെഗാപിക്സല് ക്യാമറയുള്ള ഫോണുകള് ലഭ്യമായി തുടങ്ങി. അതില് ഒരുവിധം ക്യാമറ ഫീച്ചര്കള് ഉള്പ്പെടുത്തികൊണ്ട് തന്നെ ഒരു ചെറിയ മിനി എസ്.എല്.ആര് രൂപത്തിലേക്ക് മാറ്റിയാണ് സ്മാര്ട്ട് ഫോണുകളുടെ രൂപകല്പ്പന. കൂടാതെ മൊബൈലില് ഘടിപ്പിക്കാവുന്ന ചെറിയ എക്സ്ട്രാ ലെന്സുകള് ഇന്ന് ലഭ്യമാണ്. അതിനാല് തന്നെ ക്ലാരിറ്റിയുള്ള ഫോട്ടോകള് എടുക്കാന് സാധിക്കുന്നു. ഇന്ന് മൊബൈല് ക്യാമറകള് തരംഗമായി മാറിയിരിക്കുന്നു. സ്റ്റെബിലൈസേഷന് മുതലായ ഫീച്ചര്കള് ഉള്പ്പെടുത്തിയാണ് ഇന്ന് സ്മാര്ട്ട് ഫോണ് ക്യാമറകള് നിര്മ്മിക്കുന്നത്. കാലങ്ങളുടെ മാറ്റം മൊബൈല് ഫോട്ടോഗ്രഫിക്ക് നന്മയും, തിന്മയും സൃഷ്ടിച്ചു. വ്യത്യസ്തതയാര്ന്ന ഫോട്ടോകള് എടുക്കാന് ശ്രമിക്കുന്നവരും, അതിനെ മോശമായി ഉപയോഗിക്കുന്നവരും വളര്ന്നു വന്നു. മറ്റുള്ളവരുടെ സ്വകാര്യതയിലേക്ക് കടന്ന് കയറുന്ന രീതി മൊബൈല് ഫോട്ടോഗ്രഫി വന്നതോടെ സജീവമായിരിക്കുന്നു.
Comments
Post a Comment