മനുഷ്യ ജീവിതത്തില് ഇന്ന് ഒഴിച്ചു കൂടാന് പറ്റാത്ത ഒന്നാണ് ചിത്രങ്ങള്. നിസ്സാരമായി നമ്മള് കാണുന്ന ഒരു ചിത്രത്തിന് ആയിരം വാക്കുകളെ മറികടന്ന് ആശയങ്ങളെ വിവരിക്കാന് കഴിയും. എഴുതപ്പെട്ട ഒരു വാര്ത്ത പ്രതിപാതിക്കുന്നതിനേക്കാള് കൂടുതല് ആ വിഷയത്തെക്കുറിച്ചുള്ള വാര്ത്താവിനിമയത്തിന് വാര്ത്താ ചിത്രത്തിലൂടെ സാധിക്കും. ഇന്നത്തെ കാലത്ത് വളരെയധികം പ്രാധാന്യമുള്ള ഒന്നാണ് സമയം. നമ്മള് എഴുതപ്പെട്ട വാര്ത്ത വായിക്കുന്നതിനേക്കാള് ചുരിങ്ങിയ സമയം കൊണ്ട് ഒരു ചിത്രത്തിലൂടെ ഒരേ സമയം ഒന്നില് കൂടുതല് കാര്യങ്ങള് മനസ്സിലാക്കിയെടുക്കാന് സാധിക്കും.
ഇങ്ങനെ വാര്ത്തയുടെ ഉള്ളടക്കം വിവരിക്കാന് ചിത്രങ്ങള് ഉപയോഗിക്കുന്ന ജേര്ണലിസത്തിന്റെ പ്രത്യേക രൂപമാണ് ഫോട്ടോ ജേര്ണലിസം. വാര്ത്താഫോട്ടോകള് ഉപയോഗിക്കുന്ന രീതി പത്തൊന്പതാം നൂറ്റാണ്ടിന്റെ മധ്യത്തോടു കൂടിയാണ് ആരംഭിച്ചത്. ആദ്യകാലങ്ങളില് കൊത്തുപണികള് ഉപയോഗിച്ചായിരുന്നു ചിത്രങ്ങള് അച്ചടിച്ചിരുന്നത്. ക്യാമറയുടെ വരവോടെ ഈ മേഖലയില് വലിയൊരു പുരോഗതിയുണ്ടായി.
രണ്ടായിരത്തി പതിനെട്ട് ജൂണിന്റെ തുടക്കത്തില് കേരളം കണ്ട ഏറ്റവും വലിയ പ്രതിസന്ധിയായിരുന്നു നിപ്പാ വൈറസ്ബാധ. കോഴിക്കോട് ജില്ലയിലെ പേരാമ്പ്രയില് ഉത്ഭവം കൊണ്ട വൈറസ്ബാധ കേരളത്തെ ആകമാനം ഭീതിയിലാഴ്ത്തി. ആ ഭീതിയെ കൃത്യമായി അടയാളപ്പെടുത്തുന്നതായിരുന്നു മാതൃഭൂമി പത്രത്തില് അച്ചടിച്ചു വന്ന ചിത്രം. നിപ്പാ വൈറസിന്റെ തുടര്വ്യാപനം തടയുന്നതിനായി രോഗികളുമായി ഇടപഴകിയ വസ്തുക്കള് അഗ്നിക്കിരയാക്കാന് കൊണ്ടുപോകുന്ന ദിവസവേതന തൊഴിലാളികളുടേതാണ് ചിത്രം. പിന്നീട് വൈറസ് ബാധയെ വിഷയമാക്കി ആഷിഖ് അബു സംവിധാനം ചെയ്ത 'വൈറസ്' എന്ന ചിത്രം പ്രഖ്യാപിച്ചപ്പോഴും ഫസ്റ്റ് ലുക്ക് ഇതേ ഫോട്ടോഗ്രാഫായിരുന്നു.
1999 ലെ വെള്ളപ്പൊക്കത്തിന് ശേഷം കേരളം അനുഭവിച്ച ഏറ്റവും വലിയ മഴക്കെടുതിയായിരുന്നു 2018 ആഗസ്റ്റിലേത്. മനുഷ്യനെ വിഭജിച്ചു നിര്ത്തുന്ന സകല വ്യവസ്ഥകളെയും വെല്ലുവിളിച്ചു കേരളമനസ്സുകള് ഒന്നിച്ചു നിന്ന സമയം. ഇടുക്കി ചെറുതോണി ഡാം തുറന്നുവിട്ട വേളയില് ചെറുതോണി പാലത്തിന് മുകളിലൂടെ ഒരു കുട്ടിയെ രക്ഷിച്ചുകൊണ്ടോടുന്ന അഗ്നിശമനസേന പ്രവര്ത്തകന്റെ ചിത്രം അക്കാലത്തു പത്രമാധ്യമങ്ങളില് ഏറെ ചര്ച്ച ചെയ്യപ്പെട്ടതാണ്. നിയന്ത്രണ വിധേയമാക്കാന് സാധിക്കാത്ത ജലപ്രവാഹത്തിന്റെ മുന്നില് മനുഷ്യന് നിസ്സഹായനും പ്രതിരോധം തീര്ത്ത് അജയ്യനുമാവുന്നത് ഈ ചിത്രം തന്നെ സാക്ഷ്യപ്പെടുത്തുന്നു.
ഫോട്ടോ ജേര്ണലിസ്റ്റുകള് തന്റെ വാതിലിന് അപ്പുറത്ത് നടക്കുന്ന സംഭവത്തെക്കുറിച്ച് നന്നായി അറിവുള്ളവരായിരിക്കണം. അവര് സൃഷ്ടിപരമായ പ്രത്യേക രീതിയിലാണ് വാര്ത്തകള് നല്കുന്നത്. വിനോദവും ഇതില് ഉള്പ്പെടുന്നു. ഒരു ഫോട്ടോ ജേര്ണലിസ്റ്റ് ഒരു റിപ്പോര്ട്ടര് ആയിരിക്കണം. ഉടനടി തീരുമാനങ്ങള് എടുക്കാന് കഴിവുള്ളവരും ഫോട്ടോഗ്രഫിക് ഉപകരണങ്ങളില് പ്രാവീണ്യം ഉള്ളവരുമായിരിക്കണം. മിക്ക ഫോട്ടോജേര്ണലിസ്റ്റുകളും വേദി നയിക്കുകയും ഷോട്ടുകള് ക്യാന്ഡിഡ് ആയി അവതരിപ്പിക്കുന്നത് അനീതിയാണെന്ന് കരുതുന്നു. ഫോട്ടോ ജേര്ണലിസത്തില് ഫോട്ടോഗ്രാഫര് അങ്ങനെ ചെയ്യുന്നത് ധാര്മ്മികതക്ക് എതിരാണ്. എന്താണ് ഷൂട്ട് ചെയ്യേണ്ടത് എങ്ങനെ ഫ്രെയിം ചെയ്യണം എഡിറ്റ് ചെയ്യണം എന്നിവ പരിഗണിക്കപ്പെടണം. ഒരു ഫോട്ടോജേര്ണലിസ്റ്റ് ഏതൊക്കെ ചിത്രങ്ങള് എടുക്കണം, ഏതു ചിത്രമാണ് തെരഞ്ഞെടുണ്ടേത് ഏതൊക്കെ ചിത്രങ്ങള് കാണിക്കണം എന്ന് തീരുമാനിക്കാന് ബാധ്യസ്ഥനാണ്.
യുദ്ധ ഫോട്ടോഗ്രഫി ഫോട്ടോ ജേര്ണലിസത്തിന്റെ ഒരു ഭാഗമാണ്. ഡിജിറ്റല് ഫോട്ടോഗ്രാഫിയുടെ വരവോടെ ചിത്രങ്ങള് കൈകാര്യം ചെയ്യാനും പു:നരുല്പ്പാദിപ്പിക്കാനും സംരക്ഷണം ചെയ്യുന്നതിനുമുള്ള മേഖല സൃഷ്ടിച്ചു. ഫോട്ടോ ജേര്ണലിസ്റ്റുകള് എടുത്ത വാര്ത്താ ചിത്രങ്ങള് ഒരു എഴുതപ്പെട്ട വാര്ത്തകള്ക്കുപരി ആഴത്തില് മനസ്സിലാക്കപ്പെടുന്നു.
വാര്ത്താ മേഖലയില് വളരെയേറെ സ്വാധീനം ചെലുത്തുന്ന ഒന്നാണ് ഫോട്ടോ ജേര്ണലിസം. ഫോട്ടോ ജേര്ണലിസത്തെ ഫോട്ടോഗ്രഫിയുടെ മറ്റു ശാഖകളായ ഡോക്യുമെന്ററി ഫോട്ടോഗ്രഫി, സോഷ്യല് ഡോക്യുമെന്ററി ഫോട്ടോഗ്രഫി, സ്ട്രീറ്റ് ഫോട്ടോഗ്രഫി എന്നിവയില് നിന്ന് വേര്തിരിക്കുന്നു. ഇന്നത്തെ കാലത്ത് ഫോട്ടോജേര്ണലിസത്തില് ഒരുപാട് തൊഴിലവസരങ്ങള് ഉണ്ട്. നമ്മുടെ അഭിരുചിക്കനുസരിച്ച് അതിലെ സാധ്യതകള് കണ്ടെത്തുവാന് നമുക്ക് സാധിക്കണം.
Comments
Post a Comment